Me emrin e Zotit, Bamirës dhe Mëshirues!
E nderuar,
Sipas mendimit të dijetarit të shquar të ligjit islam, Sejjid Ali Sistani, që betimi juaj në Zotin të jetë i vlefshëm, njëri nga kushtet është që ai të bëhet me mendje të shëndoshë dhe jo gjatë zemërimit ose shqetësimit emocional. Domethënë njeriu duhet ta bëje betimin me një vetëdije krejtësisht të lirë dhe pa shtypje. Nëse betimin e keni bërë gjatë zemërimit, i cili ju kalon më pas dhe ju pendoheni që jeni betuar, betimi nuk ka kurrfarë vlere.
Po kështu, betimi juaj është që të qëndroni e hidhëruar dhe të mos flisni me një motër tuajën besimtare. Ky veprim është një veprim i papëlqyeshëm (mekruh) sipas Islamit. Dhe betimi për të kryer një veprim të ndaluar (haram) ose të papëlqyeshëm (mekruh), është i pavlefshëm që në fillim.
Duke u mbështetur në të mësipërmen, mund të themi se betimi juaj është i pavlefshëm. Ju mund të flisni normalisht me shoqen tuaj.
Me respekt!
BURIMI: http://www.sistani.org/index.php?p=616687&id=1278
_________________
Libraria Digitale "Dielli"
www.dielli.net