I nderuar,

 Njëri nga kushtet e marrëveshjes martesore në Islam është mehr-i. “Mehr” është një dhuratë martesore, të cilën dhëndri pajtohet t’ia japë nuses. Kjo është një e drejtë e nuses dhe ajo vetë e cakton mehrin. Më pas, dhëndri mund ose ta pranojë kërkesën e saj ose të bisedojë për diçka më të lirë. Mehri mund të jetë një mjet material ose një përfitim (shërbim). Mund të paguhet menjëherë në fillim ose mund të premtohet që të bëhet pagesa në një rast që do të caktohet në marrëveshjen martesore. ("Martesa dhe morali seksual në Islam", fq.114)

Lidhur me shumën që duhet të paguhet si mehr, po jua përcjellim mendimin e Ajetollah Sejjid Ali Khamenei, i cili thotë:
Në ligjin islam, të dyja palët duhet të merren vesh mes veti për sasinë e mehr-it. Megjithatë, sipas ligjit islam, këshillohet që sasia e mehr-it të ulet dhe është e pëlqyeshme që të caktohet "mehr el-sunna" si sasi. 1

Në një përgjigje tjetër, Ajetollah Sejjid Ali Khamenei, e shpjegon edhe më hollësisht sasinë, ku thotë: (Mehri) nuk ka një kufi minimal dhe maksimal. Megjithatë, është e pëlqyeshme të mos e tejkalojë kufirin e "mehr el-sunna" (mehrit sunnet),  që është 250 dirhemë argjendi (një dirhem argjendi peshon rreth 2,52 gram).2
 

Me respekt!

Libraria Dielli
www.dielli.net
libraria.dielli@gmail.com

BURIMET:
1: Faqja zyrtare e Ajetollah Sejjid Ali Khamenei: http://www.leader.ir/tree/index.php?catid=38
2: Faqja zyrtare e Ajetollah Sejjid Ali Khamenei: http://www.leader.ir/tree/index.php?catid=72